Es-selam Alejkum!
Të nderuar vëllezër e motra!
Në vazhdën e aktiviteteve të pandalshme që po i organizon kryesia e xhamisë "DRITA", të shtunën, më: 27.02.2016 mbajti edhe një aktivitet fetar, respektivisht një tribunë fetare me hoxhën e nderuar Mr.Ragmi Destani nga Bujanoci.
Tema: ''Përcaktimi i synimeve sipas Islamit"
Një tribunë shumë e këndshme dhe domethënëse për shqiptarët musliman që jetojnë në mërgim.
I jemi shumë mirënjohës hoxhës së nderuar me të cilën po bashkpunojmë shumë mirë, pasi që ky nuk ishte aktiviteti i parë i yni, kemi pas edhe më herët bashkpunim dhe do të bashkpunojmë edhe në të ardhmen inshaAllah.
Të dashur vëllezër!
Aktivitetet e kryesisë sonë nuk kanë të ndalur, e kemi obligim që të punojmë për Allahun, në mënyrë që ta ngrisim kualitetin e jetës fetare e kulturore në mërgim.
Besojmë dhe shpresojmë se edhe më tutje së bashku me ju nuk do t'i ndalim aktivitetet nga gjitha sferat e jetës në dobi të muslimanëve.
E falenderojmë hoxhën për prezencën e tij dhe gjithë kontribuesit e kësaj tribune.
Ju faleminderit për mirëkuptim!
Allahu ju shpërbleftë.
Me respekt,
Kryesia e xhamisë "DRITA"
Zvicër, më: 27 shkurt, 2016.
Kommentar schreiben